حكايات الحاجة - حكايات الحاجة: مش بتصلي ولا لابسة حجاب

منذ 2014-12-02

العمل ده ناتج عن اللي في القلب لو العمل وحش يبقى القلب وحش، أيوة ممكن يكون واحد بيتظاهر أنه كويس يعني منافق نسأل الله العافية، وأيوة منعرفش مين يتختم له بأيه ربنا يرزقنا حسن الخاتمة، لكن خليك واقعية واشتغلي صح بقلبك وعملك سوا وبطلي تفترضي كلام مش واقعي.

- شوفي يا بنتي، إياك تفتكري أن اللي مش بتصلي ولا لابسة حجاب دي وحشة أبدًا أبدًا، حتى لو ماتت كدة
دي ممكن تكون أحسن من اللي بتصلي ولابسة نقاب كمان، أصل المهم القلب.

- شوفي يا حجة، إياك تفتكري أن اللي شتمتك أو ضربتك أو اتريقت عليك دي وحشة، دي ممكن تكون بتحبك أكثر من اللي بتعاملك كويس وبتبذل عشانك كل حاجة حلوة، أصل المهم القلب..

عمرك ما هتقولي كدة على اللي بتعاملك وحش، وهتعتبري أن قلبها مليان حقد وكراهية من عمايلها، اشمعنى في الدين بتفترضي أن القلب حاجة والعمل حاجة؟؟

العمل ده ناتج عن اللي في القلب لو العمل وحش يبقى القلب وحش، أيوة ممكن يكون واحد بيتظاهر أنه كويس يعني منافق نسأل الله العافية، وأيوة منعرفش مين يتختم له بأيه ربنا يرزقنا حسن الخاتمة، لكن خليك واقعية واشتغلي صح بقلبك وعملك سوا وبطلي تفترضي كلام مش واقعي.

هم 3 أحوال والرابعة أي كلام: 
1. واحد ظاهره وحش وقلبه وحش.. ربنا يعافينا.
2. واحد ظاهره حلو وباطنة وحش.. ربنا يعافينا. 
3. واحد ظاهره حلو وباطنه حلو.. يارب يجعلنا منهم. 
4. والافتراض المستحيل أنه يكون باطنه حلو وظاهره وحش لحد ما يموت.. مستحيل! 

طب وممكن يكون حد ظاهره كويس ووحش؟ أه ومعناها أن قلبه فيه حلو ووحش. 

المصدر: خاص بموقع طريق الإسلام
  • 4
  • 0
  • 2,652
المقال السابق
حكايات الحاجة: يعني المسيحيين مسلمين؟
المقال التالي
حكايات الحاجة: يعني أيه توحيد؟

هل تود تلقي التنبيهات من موقع طريق الاسلام؟

نعم أقرر لاحقاً