لأنك غالية - الوردة الثالثة عشر: لسة مش مقتنعة؟

منذ 2015-01-15

لو كانوا أهلك عارفين! فهما مُجبرين على كده لأنك نقطة ضعفهم، حبهم ليكِ طغى على كسرة قلبهم عليكِ! فاكرين إنهم بكده بيسعدوكِ ما دام شايفينك سعيدة ظاهرياً! لكن الفطرة بتقول إن كل أب وأم بيتمنوا إن بنتهم تعيش حياة زوجية شرعية، يفخروا بيها قدام الكل!

لسة مش مقتنعة؟ هتقولي بس أنا مش بكلمه من ورا أهلي..
أنا قولت لماما وهي عارفة كل إللي بيحصل بينا وموافقة إني أخرج معاه وأتكلم معاه!
هقولك: كون إن مامتك عارفة وموافقة وراضية مش مُبرر إن العلاقة دي صح وتمام!
أهم شيء ربنا راضي عن ده ولا لأ؟ طبعاً لأ..

وحتى لو كانوا أهلك عارفين! فهما مُجبرين على كده لأنك نقطة ضعفهم، حبهم ليكِ طغى على كسرة قلبهم عليكِ! فاكرين إنهم بكده بيسعدوكِ ما دام شايفينك سعيدة ظاهرياً! لكن الفطرة بتقول إن كل أب وأم بيتمنوا إن بنتهم تعيش حياة زوجية شرعية، يفخروا بيها قدام الكل!

ده غير إن إنتِ بخروجك معاه أو وقفتك معاه في أي مكان بتجاهري بالذنب قدام الناس!
والنبي صلى الله عليه وسلم بيقول: «كل أمتي معافى إلا المجاهرون» (صحيح البخاري:6069)، ده غير إن إنتِ بخروجك معاه بتفتني الشباب والبنات الغلابة في دينهم! وربنا بيقول: {إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ} [البروج:10].

بعد كل إللي قرأتيه ده لسه برده مش عايزة تخافي على نفسك؟ 

المصدر: خاص بموقع طريق الإسلام

إسراء الشقيري

داعية إسلامية خريجة جامعة الأزهر بكالوريوس الطب والجراحة

  • 3
  • 1
  • 1,438
المقال السابق
الوردة الثانية عشر: خافي على حسناتك
المقال التالي
الوردة الرابعة عشر: أنا قلبي أبيض وإحساسي بيقولي إن علاقتنا دي مش غلط

هل تود تلقي التنبيهات من موقع طريق الاسلام؟

نعم أقرر لاحقاً