العبادة مش تكدير

منذ 2015-03-14

استطعم كل حركة وحرف، اعبد ربنا بمزاج حلو، واطلع السلم واحدة واحدة.. وساعتها هتعرف معنى السعادة الحقيقية، والفرح اللا محدود.

يا حبيبي! العبادة مش تكدير ولا عقوبة.
ربنا ما فرضش عليك الطاعة عشان يعذبك.
إنما عشان يروي عطشك ويهدي روحك، ويعطيك بالعبادات دواء تواجه به عذابات الحياة، وتوحش التفاصيل..

ما تقراش قرآن لحد ما تزهق، وما تصليش لحد ما تمل..
صلي في مسجد بتلاقي فيه نفسك حتى لو مش بيطول في القراءة.
قم الليل ولو بركعة، مش لازم تقرأ وردك اليومي في جلسة واحدة..

ما تاخدش الموضوع بتنشنة.. براحة.. بهدوء.. بشويش.. باستمتاع وتلذذ.
استطعم كل حركة وحرف، اعبد ربنا بمزاج حلو، واطلع السلم واحدة واحدة..
وساعتها هتعرف معنى السعادة الحقيقية، والفرح اللا محدود. 
 

المصدر: خاص بموقع طريق الإسلام

خالد الشافعي

داعية مصري سلفي

  • 1
  • 0
  • 1,657

هل تود تلقي التنبيهات من موقع طريق الاسلام؟

نعم أقرر لاحقاً