حكايات الحاجة - مش من الإسلام (شوية شرح)

منذ 2015-03-27

طيب شوية شرح للي بيحبوا الرغي بقى.. أركان الإسلام معناهم أن فيه بناء، البناء ده له أركان وله عمود هو الصلاة، وله حوائط وله كل ما يلزم البناء.. الحديث ذكر الأركان فقط والقرآن والسنة فيهم كل ما يلزم البناء..

- يا بنتي الحجاب مش فرض ومش من الإسلام لأن احنا عندنا أركان الإسلام خمسة بس..
فيهم الحجاب؟! مفيهمش الحجاب يبقى مش فرض، وكمان مش من الإسلام.

- حجة حجة..
- نعم يا بنتي.
- أركان الإسلام خمسة فيهم الإيمان بالقرآن؟
- لا.
- فيهم الإيمان بالأنبياء؟
- لا.
- فيهم الأمر بحسن الخلق؟
- لا.
يبقى الحاجات دي مش من الإسلام ولا أييييييييه؟!
طيب شوية شرح للي بيحبوا الرغي بقى..

- أركان الإسلام معناهم أن فيه بناء، البناء ده له أركان وله عمود هو الصلاة، وله حوائط وله كل ما يلزم البناء.. الحديث ذكر الأركان فقط والقرآن والسنة فيهم كل ما يلزم البناء..

البناء فيه حاجات مينفعش البيت يستغنى عنها، لو ذهبت ميبقاش بيت زي الأركان والعمود..
وفيه حاجات لازمة للبيت بس مش زي الأركان، والعمود زي الحائط ممكن يبقى ستارة من غير حائط لكن لن يقيك الحر والبرد لاحظي.. والبيت كدة في خطر أي حد معدي ممكن يخترقه.

وفيه حاجات كماليات زي: الستائر على الشباك، وزي المحارة والبياض والسيراميك والذي منه..
وكل واحد وبيته وفخامته، فإسلامك أولى بأنك تحسنيه وتخلي فخم لأن ده سكنك في الآخرة..
إذًا فيه قدر مشترك بين الجميع، لو مش موجود مش هيكون فيه إسلام أصلاً..

الحجاب مذكور في القرآن بصيغة أمر في 3 آيات.
ومذكور في الأحاديث وفعل الصحابيات.
وفرض عند علماء المسلمين بالإجماع من أيام النبي عليه الصلاة والسلام.

بل عند عوام المسلمين بالإجماع بيعرفوا المسلمة من اللي مش مسلمة بالحجاب، لحد ما ظهر لنا منافقي الغبرة اللي بيهدوا الدين!

لو أنت مؤمنة بالقرآن لازم تؤمني أولاً أن الحجاب من الإسلام وأنه فرض.
غطاء الوجه مختلف عليه أنه فرض أو مستحب.. لكنه من الإسلام مش بدعة بدليل أن زوجات النبي عليه الصلاة والسلام كانوا لابسينه.. ولا هتقولي زوجات النبي مبتدعات؟

فحتى لو ملبستيش الحجاب المتفق عليه بين علماء المسلمين أو كنت مقصرة في هيئته..
اعرفي أنك على معصية وكبيرة من الكبائر، لأن جاء فيها وعيد شديد بالحرمان من رائحة الجنة، كما في الحديث..

انكسري لله وبلاش فرعنة لعل الله يهديك..
فلو عرفتي ده أنت كدة على الطريق وإن شاء الله تحسني حجابك وربي يغفر لك ويغفر لي.

لكن.. لو رفضتيه أنت على خطر؛ لأنه إنكار لمعلوم من الدين بالضرورة، وتكذيب للقرآن..
أنت عارفة بقة اللي بيكذب القرآن يبقى أيه بقة.

المصدر: خاص بموقع طريق الإسلام
  • 0
  • 0
  • 939
المقال السابق
الدين يسر
المقال التالي
البخاري (1)

هل تود تلقي التنبيهات من موقع طريق الاسلام؟

نعم أقرر لاحقاً