ادمان مشاهدة الأفلام الإباحية

أهم أسباب إدمان الأفلام الإباحية في رأيي الفراغ وسهولة الوصول، الحل العملي إشغال النفس وتصعيب الوصول قدر الوسع.
أما إشغال النفس فمتشعب؛ مش هأقولك بس اشغل نفسك بحضور الدروس الدينية وحفظ القرآن، ده مهم لكن لازم يكون معه أنشطة أخرى؛ الرياضة مثلا من أهم الحاجات اللي تقلل الأمر ده؛ كمان لازم يكون لك حياة اجتماعية، اخرج؛ اتعرف على أصدقاء جدد؛ خد دورات كمبيوتر أو لغة؛ المهم يكون لك حياة حافلة واهتمامات متنوعة.
أما أن تجلس في بيتك فارغا؛ فللأسف غالبا هترجع تشاهد تاني؛ ده من ناحية النصائح العملية.

أما النصيحة الأهم؛ فهي النصيحة القلبية: حاول تجتهد على قلبك شوية، حاول تتعرف أكثر على ربك، كلما تعرفت عليه أحببته؛ وكلما أحببته استحييت منه وعلمت أن نظره إليك أسبق.

أكيد هتستحي تتفرج على الأفلام دي أمام والدك أو والدتك؛ أو أمام ابنك أو بنتك أو طبعا زوجتك لو كنت متجوز،
أو حتى أمام أي حد معدي في الشارع، عارف ليه استحيينا من الناس ولم نستحيي من الله؟
لأننا عرفناهم وأيقننا بآثارهم على حياتنا، ولله المثل الأعلى. اجتهد تتعرف على ربنا أكثر؛ وصدقني هتفكر كثيرا قبل ما تقدم على مشاهدة تلك الأفلام؛ وأخيرا وليس آخرا الدعاااء.