استشارات د.محمد علي يوسف - مكتئب بسبب شعره الذي بدأ بالتساقط

منذ 2015-09-16

السلام عليكم؛ تقول ايه لشاب فى بدايه العشرينات؛ وبدأ شعره بالتساقط وراثة؛ وهو مكتئب وزعلان كل ما يفكر فى صلعته؛ هيبقى شكله ازاى ادام معارفه؛ حتى ممكن بنت مش تقبله للسبب التافه ده؛ فعلا ساعات بيكتئب ومش بيعرف يعمل حاجه. ايه الحل؟ يعمل ايه عشان يتقبل الموضوع؟ إجابتك ممكن تريحه مش تستهون بيها.

وعليكم السلام ورحمة الله.
طبعا لو قلتلك الراجل مش بشكله ولا بشعره أو صلعته؛ الكلام ده ممكن ما يفرقش معك. بس يا عزيزي هي دي الحقيقة.

لو عروسة رفضتك لمجرد إن شعرك خفيف أو حتى أقرع خالص؛ فستكون مخطئا جدا لو زعلت نفسك عشانها.

أما معارفك اللي انت قلقان من شكلك قدامهم؛ فعذرا أي نوع من المعارف هؤلاء؟
هم بيعرفوك عشان شعرك (مسبسب) مثلا؟ يا سيدي الكريم منذ متى والرجل يقاس بشكله وتسريحة شعره؟

وبعدين النهاردة أديك شايف اللحية الكثيفة طلعت موضة؛ وبكرة السكسوكة؛ وبعد بكرة الحلاقة على الزيرو؛ وكل يوم بحال.

صدقني موضوع الشعر ده ما بيفرقش كتير؛ ركز في بناء شخصيتك: قيمتك؛ علمك؛ عملك؛ إنجازاتك.
هذا هو أنت وليس تلك الأشياء الوراثية التي لا كسب لك فيها.

المصدر: خاص بموقع طريق الإسلام
  • 0
  • 0
  • 1,178
المقال السابق
والديْنا لم يُرَّبُونا
المقال التالي
ضائعة في علاقتي مع الله

هل تود تلقي التنبيهات من موقع طريق الاسلام؟

نعم أقرر لاحقاً