{يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن ...

{يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ}
[البقرة:183]
أنت عارف دي نهاية آية إيه؟
آية فرض الصيام
ربنا سبحانه وتعالى بيقولك كتب عليك الصيام وختما جل جلاله ب(لعلكم تتقون)
علشان تعرف إن الهدف من صيامك التقوى
يعني مش تمنع الأكل والشرب بس
لااااا
ما هو في ناس حتخرج من الصيام وملهاش حظ فيه إلا الجوع والعطش بس
وفي ناس حتتقي الله في صيامها
عاوز تعرف إزاي تتقي الله في صيامك؟
إن أنت تكون في صيامك في طاعاتك على نور من ربنا ترجو ثواب ربنا
أنا منعت نفسي من الأكل والشرب علشان أخذ الثواب يارب
أنا منعت لساني وأنا صايم عن الغيبة والكذب واللغو والنميمة و...علشان طمعان في الثواب منك يارب
أنا منعت كل جوارحي وأنا صايم عن الفواحش والمعاصي علشان عشمان فيك يارب تؤجرني وتمن عليا بالثواب يارب.
أنا بجري في رمضان من طاعة لطاعة وعمل خير لعمل خير علشان طمعان تصلح حالي وتعطيني الأجر يارب.

#اتقوا_النار_ولو_بشق_تمرة