كـده كـتيـر

منذ 2014-12-03

نتقدم بخالص التهانى للشعب المصري العظيم على ما وصل إليه من رخاء وسعاده و تقدم فى ذكرى ثورته المجيده فى 30- 6 | النهضة الحقيقية

----------------- سامحني يا رب -----------------

الـراحة بقت ماليه عشيتنـا
و مرور واقفين فيه بمزاجنـا
أهي دي النهضة حقيقي يا سيادنا
و الفرحة بقت ماليه قلوبنا
نور مبيقطعش في بيوتنا
ولا الأسعار ملك جيوبنا
أما البنزين مالي تنكاتنا
ثورة و غيرنا بيها حياتنا

تلاتين سته دي ثورة و عندي ألف دليـــــــــــــــــل
و أهي عدت سنه و الوضع حكاية ملهوش مثيـــــل
ما كفاية بجد و مش لازم كل دة تغييــــــــــــــــــــــر
و لا عايزين حاجة و تسلم إيدكم دة كدة كتيـــــــــر

تعليم و إتقدم عل الآخر
ولا في شسوخ بالدين بتّاجر
و مفيش إعلام كداب فاجر
و الناس قاعدة و مش بتهاجر
داخليه و شغاله بإخلاص
حريه بطعم سجون و رصاص
و أجور زادت و الفقر خلاص
و الحكم العدل بقي فيه أساس


تلاتين سته دي ثورة و عندي ألف دليـــــــــــــــــل
و أهي عدت سنه و الوضع حكاية ملهوش مثيـــــل
ما كفاية بجد و مش لازم كل دة تغييــــــــــــــــــــــر
و لا عايزين حاجة و تسلم إيدكم دة كدة كتيـــــــــر

و شبابنا خلاص عمرة ما يحتار
ليه ؟ لينا بطل تبت النختار
و سياحة شغاله ويا إستثمار
و حكمنا أسد قائد مغوار
و مفيش في شوارع نقطه دم
و مفيش في وشوش أحزان و لا غم
و الحب مبينا الجرح إتلم
و شعور بأمان و سلام فيه عم


تلاتين سته دي ثورة و عندي ألف دليـــــــــــــــــل
و أهي عدت سنه و الوضع حكاية ملهوش مثيـــــل
ما كفاية بجد و مش لازم كل دة تغييــــــــــــــــــــــر
و لا عايزين حاجة و تسلم إيدكم دة كدة كتيـــــــــر


----------------- كــــــــدة كــــــــتــــــــيــــــــر -----------------
  • 23
  • 5
  • 13,422

هل تود تلقي التنبيهات من موقع طريق الاسلام؟

نعم أقرر لاحقاً