عايز تثبت وتستقيم بعد رمضان؟
يبقى لازم تزرع شجرتك في مكان فيه مطر…
والمطر هو رحمة ربنا 🍂🍂
ودي قاعدة:
لا استقامة ولا ثبات إلا برحمة الله.
فواجبك من النهاردة واللي هو من أهم خطواتك في الطريق
إنك
تستنزل رحمة ربنا عليك
إزاي؟
إنك تبث الرحمة في اللي حواليك
خلي استقامتك تبان:
في بيتك…في حنيتك على أهلك…في جبر خاطر زميلك في الشغل…
والجزاء من جنس العمل والقاعدة بتقول
"ارحموا من في الأرض…يرحمكم من في السماء"
ولما ربنا يرحمك…هيثبّتك
عايز تثبت بعد رمضان ؟
(بـَـــطّــــل اســـتـــعـــجـــال)
إحنا جيل مستعجل، عايزين نتائج فورية حتى في الدين!
والاستقامة محتاجة وقت...
هو أنت ينفع تروح الجيم يومين وتقف قدام المراية تدور على العضلات؟!
الإستقامة كدة برضه...
الاستقامة 'صبغة الله'، والقماش عشان يتصبغ صح محتاج وقت ونَفَس طويل.
فلو لسه حاسس برواسب قديمة أو قلبك مش خاشع 100٪
{اصبر} الزمن جزء من العلاج.
الاستقامة خطوات ثابتة وتراكم أعمال، مش حماس يومين وينطفي.
خليك عنيد مع نفسك واصبر لحد ما النسخة الجديدة منك تثبت.
#النفس_الطويل
#اصبر
#ثم_استقاموا ...المزيد
