(5) الوردة الخامسة: هو الحب حرام؟!
إسراء الشقيري
منزلة الحب في الإسلام وصلت لدرجة إن النبي صلى الله عليه وسلم قال إننا ما هندخل الجنة غير لما نحب بعض؛ قال صلى الله عليه وسلم: «والذي نفسي بيده لا تدخلوا الجنة حتى تؤمنوا، ولا تؤمنوا حتى تحابوا»
- التصنيفات: التربية والأسرة المسلمة - قضايا المرأة المسلمة - قضايا الشباب -
أنا اليوم هكلمك عن موضوع تاني، يهم كل بنت صغيرة أو كبيرة؛ هتكلم معاكِ عن:
الحب!
هنتكلم على أساس ديني وعقلي، وهنحكي قصص واقعية.
هنتكلم بكل هدوء، وهنحاول نرد على معظم الأسئلة اللي بتدور في تفكير البنات.
وهنحاول نفهمها صح، علشان نعيشها صح.
هو الحب حرام؟!
أول ما تقعد في أي مكان وتيجي سيرة الحب، تلاقي الشباب كلهم بيسألوا:
"هو الحب حرام؟"
وتلاقي بنت بتسأل وتقول: "أنا سمعت إن الحب في الإسلام جريمة! هل الكلام ده صح؟!
هقولك يا أختي: "مين قال كده؟!"
مين قال إن الإسلام بيجرّم الحب؟!
بالعكس تمامًا، ده اللي الكل لازم يعرفه إن: الإسلام دين الحب.
بس (الحب الحلال.. حلال، والحب الحرام.. حرام!
هتقولي: هو فيه حب حلال! وحب حرام؟!
هقولك : آه طبعًا، فيه حب حلال، وحب حرام، الحب الحلال.
زي أعظم حب في الوجود؛ حب الله، ربنا حبيبنا اللي خلقنا، وأنعم علينا بنعم ملهاش عدد، ولا حصر.
وكذلك حب النبي، اللي ربنا أرسله رحمة لينا، علشان ينقذنا من النار، ويكون شفيعنا يوم الدين.
ومن صور الحب الحلال أيضًا: حب الزوج لزوجته، وحب الزوجة لزوجها، حب الابن لأمه وأبوه، وحب المسلم
لأخوه المسلم، والمسلمة لأختها المسلمة، وحب الصالحين والأخيار.
كل ده حب حلال، والإنسان لو طبّقه، وأخد فيه النية، هياخد عليه ثواب كبير جدًا بإذن الله.
بل منزلة الحب في الإسلام وصلت لدرجة إن النبي صلى الله عليه وسلم قال إننا ما هندخل الجنة غير لما نحب بعض؛ قال صلى الله عليه وسلم: «» (رواه مسلم).
بل الأعجب من كده إن النبي صلى الله عليه وسلم أخبرنا أن الإنسان هيتحشر يوم القيامة مع اللي بيحبه، فقال: «» (حسّنه الألباني)
اللي بيحب المغنيين والممثلين هيُحشر معاهم!
واللي بيحب الأتقياء والصالحين هيُحشر معاهم!
هتقولي: "طيب إفرض إنه ماعمل أعمال صالحة تبلّغه منزلة إنه يكون مع الصالحين؟"
هقولك: "برده هيكون معاهم، ولو أعماله كانت بسيطة".
وده بفضل ربنا ورحمته وكرمه، شوفي الحديث ده: عن أنس رضي الله عنه أن رجلًا سأل النبي صلى الله عليه وسلم: "متى الساعة؟" قال صلى الله عليه وسلم: «» قال الرجل: "لا شيء؛ إلا أني أحب الله ورسوله"، قال صلى الله عليه وسلم: «». قال أنس راوي الحديث: "فما فرحنا بشيء فرحنا بقول النبي صلى الله عليه وسلم أنت مع من أحببت؛ فأنا أحب النبي صلى الله عليه وسلم، وأبا بكر، وعمر، وأرجو أن أكون معهم بحبي إياهم (متفق عليه).
ده إيه العظمة دي كلها!
سبحان الله! الحب الحلال في الإسلام حاجة فوق الوصف بجد!
هتقولي: "جميل جدًا، ده الحب الحلال وعرفناه، إيه هو بقى الحب الحرام؟!
هقولك بس المرة الجاية إن شاء الله
عشان منطولش عليكِ.