زملاء

زميلة العمل؛ زميل العمل.
من مصائب الدهر؛ الألفة التي تتولد بين الرجل والمرأة بحجة أنهما زملاء العمل.
وعلى جميع المستويات الثقاقية والأدبية...
للأسف معلمون ومهندسون ودكاترة ومحامون وكل حاجه.

صباح الخير.. يا أستاذ
صباح الفل يا أستاذه
ازي الوﻻد ؟

وتحكي له عن مغامراتها معاهم وتضحك...ويضحك.
وياخدوا على بعض
ويفكروا مع بعض
ممكن يتكلم معاها في مقادير الكيكة

ويوم ورا يوم يبقوا شلة ويرتبطوا نفسيا ببعض....(ألفة)
يعملوا لها عيد ميلاد مرة؛ ويعملوا له عزومه مرة

وإيه الشياكة دي...الطرحة خطيرة
لا لا انت خسيتي خالص
ووريني كده الشراب لون الكرافته واللا لأ؟

بيحبوا الكلام ويلاقوا نفسهم لأنها علاقات متأنقه؛

شكلها من بره حلو وكأنها ..كأنها..علاقات سليمه...

لأنها في محيط العمل.

فتنة...
وتقول لك ده زي أخويا.
وهو يقول أختي.
وساعات يبرروا لنفسهم وتقول زي ابني وهو مش في سن ابنها.
وهو يقول دي بنتي وهو ممكن يتجوزها.
التليفونات مع بعض عادي...
ولو كان الكلام علشان الشغل والمشاريع الهندسية.
والمدير الأمير.
والقضية في النملية.
والحصص والدروس.
والنوباتشيات والحاجات.
غصب عنهم بييجي العيد ورمضان.
ورسالة فيها: (كل سنه وانت طيب♥)
ويرد مجامله: (وانت طيبة♥)

وبعدها يتشجعوا
دعاء لمن أحببت
دعاء للغاليين
دعاء للمقطقطين
دعاء للأمامير

طب الله!
انت على الواتس آب؟
طيب حا ابعت لك صورة الكعبة والمسجد الأقصى
وبعدها نكته
وبعدها ههههههه
وتاني يوم يتقابلوا

وللأسف (أحيانا) بتتشال الألقاب؛ بعد كده والإسم بيكون من غير يا أستاذة ويا دكتور ويا باشمهندس
ممكن متجوزين..وممكن ﻻ؛ بس ما تضحكوش على نفسكم
بتغلطوا.

والفتنة الكبرى التي يستدرج  بها من يحاول الالتزام هو النعوت التي يرمى بها من تكبر أو انطواء أوحتى ثقل ظل
فينسى أن القابض على دينه كالقابض على الجمر وأن الأمر في حاجة إلى مجاهدة.

ربنا يحفظنا من الفتن.
وده ما يمنعش إن في ناس كتير محترمه؛ بيجاهدوا جهاد رهيب علشان يطبقوا اﻻلتزام مع شغلهم.
الله يثبتهم.

الحمد لله إني مش باشتغل؛ والله يعين كل أخت بتخرج من بيتها وتشتغل لأنها فتنة.

اللهم اجعلنا من الصالحات القانتات الحافظات للغيب.