السلام عليكم،
أنا شاب عندي 24 سنة، في آخر سنة ليا في كلية الهندسة. عمري ما كان ليا علاقة بأي بنت قبل كده، وكنت بتجنب ده تمامًا، لأني عارف نفسي كويس، وبعرف إن ضعفي الأساسي في المشاعر والشهوة.
أنا إنسان عاطفي جدًا وسهل أتعلق بأي حد يهتم بيا، وده كان بيخليني دايمًا حذر من إني أدخل في علاقة. وما حاولتش علشان عايز علاقة حلال بس وبدخر نفسي ومشاعري للي هتكون زوجتي
معايا صحابي من زمان، بحبهم وهم ناس كويسين، وربنا يشهد إني كنت دايمًا بنصحهم وأقولهم يبعدوا عن العلاقات الغلط، وكنت الوحيد فيهم اللي ما كانش ليه أي اختلاط ببنات.
لكن كنت بسمع منهم كل تفاصيل علاقتهم، وده طبعًا كان بيأثر فيا مع الوقت.
ومع مرور الأيام، بقيت بحس إني عايز أجرب الإحساس ده، عايز أدخل في علاقة وأشوف شكل المشاعر دي عامل إزاي.
وفعلاً، حصل اللي كنت خايف منه. وكان الشيطان والقدر اجتمعو عليا
دخلت بنت حياتي، من دولة عربية تانية، وفي الأول كنت قافل أي باب للكلام.
بس مع الوقت، بدأت أقنع نفسي إننا بعيد عن بعض، وهي في بلد تانية، يعني مش هيحصل حاجة كبيرة.
ابتدينا نتكلم كتير، وبدأت أحس إنها مهتمة بيا، بتحكيلي عن يومها، وبتحب تسمع عن يومي، وده خلاني أرتاح ليها جدًا.
مرة سألتني عن علاقاتي السابقة، وأنا كذبت، وقلت إني كنت مرتبط، وابتديت أحكي لها حكايات أصحابى على إنها قصصي، عشان ما تبصليش على إني غريب أو معنديش خبرة.
للأسف، لما صدقت إني عندي خبرة، ابتدت تتكلم معايا عن مواضيع جنسية بدون حدود، لحد ما بقينا نتكلم تليفونيًا بالشكل ده. ويوصل الأمر أنها تطلب علاقة في التليفون
وبقت تطلب مني حاجات كمان وصور وأنا عاري، وده خلاني أوصل لمرحلة عمري ما كنت أتخيل إني أوصلها.
هي دلوقتي بتقولي إنها عايزة نستقر مع بعض بعد ما أشتغل في الخليج وأتجوزها، بس بصراحة مش قادر أصدق.
زي ما أنا كذبت في البداية، فالكذب سهل، وإحنا علاقتنا كلها على الإنترنت، ومفيش ضمان لأي حاجة.
اللي بيخليني محتار أكتر، إني شخص عادي جدًا، لا وسيم ولا ملفت، لكن دايمًا الناس تقول عندي شخصية وعقل كويس.
هي جميلة جدًا شكل وجسدا، وده بيخليني مش فاهم، إيه اللي عاجبها فيّ؟ هي مش شايفه غير صوري وكلامي، فإزاي أعجبت بيا؟
لكن رغم كده، أنا تعلقت بيها جدًا، وأصبحت مستني رسائلها كل يوم، ومستني صوتها بالليل.
أنا ندمان جدًا، ومش مصدق إني وصلت لمرحلة اكون فيها الشخص الي كنت بستحقره وبعمل الحاجات الي كنت دايمًا بحذر أصحابي منها.
وفي نفس الوقت، مش قادر أنهي العلاقة، وكل مرة بحاول أكون بارد أو أتهرب، مجرد ما أسمع صوتها، برجع زي الأول.
صديقي نصحني إني ما أقطعش العلاقة فجأة عشان ما تنتقمش وتبعت صور أو محادثات لأي حد من اللي عندي على الفيسبوك، وده احتمال وارد، وبيخليني خايف أكتر.
قال لي أتعامل ببرود، وأخليها هي اللي تزهق وتمشي، لكن برضه مش قادر ألتزم بالطريقة دي.
أنا حاسس بالذنب، وخايف ربنا ما يوفقنيش في التخرج بسبب اللي عملته.
أنا حقيقي تايه، ومحتاج حل، وعايز أعرف إزاي أكفر عن الذنب ده. ...المزيد
hassan elmasre
التدوينات
منذ يوم
السلام عليكم، أنا شاب عندي 24 سنة، في آخر سنة ليا في كلية الهندسة. عمري ما كان ليا علاقة بأي بنت ...
السلام عليكم،
أنا شاب عندي 24 سنة، في آخر سنة ليا في كلية الهندسة. عمري ما كان ليا علاقة بأي بنت قبل كده، وكنت بتجنب ده تمامًا، لأني عارف نفسي كويس، وبعرف إن ضعفي الأساسي في المشاعر والشهوة.
أنا ...المزيد
أنا شاب عندي 24 سنة، في آخر سنة ليا في كلية الهندسة. عمري ما كان ليا علاقة بأي بنت قبل كده، وكنت بتجنب ده تمامًا، لأني عارف نفسي كويس، وبعرف إن ضعفي الأساسي في المشاعر والشهوة.
أنا ...المزيد
