قصة حقيقية ونموذج للأيتام المحتاجين للجمعيات الخيرية

منذ 2013-12-27

جالي الجمعية يوم وقفة عيد الاضحى الساعة ١٠ ص وقلي عايز اللحمة بتاعتنا ياعم الشيخ.


جالي الجمعية يوم وقفة عيد الاضحى الساعة ١٠ ص

وقلي عايز اللحمة بتاعتنا ياعم الشيخ.

قولتله انتا ابن مين؟ قلي أنا ابن أم أشرف.


 

وهي قلتلي روح للشيخ محمد استلم اللحمه وقلو أم أشرف بتسلم عليك وبتقولك هي تعبانة ومش هتقدر تيجي تقبض الفلوس وتستلم اللحمة.

فقلتله طيب ياأشرف اللحمة لسه مجتش وهتبجي بعد صلاة الظهر.

ابقى عدي عليا تاني وانا هديك اللحمة وهقبضك الفلوس.

قلي طيب أروح أنا أسترزق وارجعلك يا مولانا وكانت علبة الورنيش معلقها في كتفه.

سألته انتا سنك كام؟ قلي ١٣ونص.

انتا في مدرسة يا أشرف؟ قلي كنت.

وبدأنا توزيع اللحمة وأشرف مرجعش يستلمها.

والساعه ٩ بليل تقريباً رجع أشرف وكنت بقفل الجمعية.

قولتله خلاص ياأشرف قفلنا وتقريباً كمان اللحمة خلصت.

بصلي وقلي دانا جاي جري يعني مفيش.

وقبضته ٣٠ جنيه بتوع والدته ومشي.

وقفلت الجمعية وروحت وسبحان الله قدراً اتصل عليا واحد منالأهالي معاه كيلو ونص لحمة عايز يوزعهم.

فقلتله تعالى عند الجمعية هكون في انتظارك.

وكان في نيتي ابعت اللحمة لأم أشرف بعد صلاة العيد.

فسبحان الملك أول ما وصلت عند الجمعية لقيت أشرف قاعد قدام الباب وبيبكي وبيقول كله دا علشان ٣ جنيه.

لو كنت شطبت الفرش بدري ١٠ دقايق كان زماني لحقت اللحمة.

أقول إيه لأمي الي مستنية في البيت؟

قولتله متقولهاش حاجه اللحمة جاية وهتخدها دلوقتي وتروح بيها.

والله ما لمحته في وش أشرف من سعاده لما أخد اللحمه ومروح بيها لأمه لاأستطيع وصفها.

انتا عارف في كام أشرف في مصر عايش على هذه الجمعيات؟

انتا عارف في كام أم أشرف في مصر بتستنى أول كل شهر علشان ٥٠ أو ٧٠ جنيه؟

أيوة أم أشرف وأشرف بعد الحكومة ما حجزت على فلوس الجمعيات مش هيلاقوا حاجه يكلوها.

ربنا ينتقم من الظالمين.



محمد جاد
 
  • 6
  • 0
  • 2,066

هل تود تلقي التنبيهات من موقع طريق الاسلام؟

نعم أقرر لاحقاً