حكايات الحاجة - (بس ميتزوجش عليَّا)!
كثير من الستات تقولكِ بلسان الحال أو المقال مثل هذه الأقوال وأكثر! يا بنتي معنديش مشكلة أن زوجي يمشي مع ستات بس ميتزوجش عليَّا! يا بنتي معنديش مشكلة أن زوجي يكون مش بيصلِّي طالما بيقولي كلام حُب وبيجيبلي اللي أنا عاوزاه!
كثير من الستات تقولكِ بلسان الحال أو المقال مثل هذه الأقوال وأكثر!
- يا بنتي معنديش مشكلة أن زوجي يمشي مع ستات بس ميتزوجش عليَّا!
- يا بنتي معنديش مشكلة أن زوجي يكون مش بيصلِّي طالما بيقولي كلام حُب وبيجيبلي اللي أنا عاوزاه!
- يا بنتي خلعت الحجاب عشان أرضيه.. بس برضه بيبص برّه!
- يا بنتي النمص أنا فِضلت أدوّر لحد ما جبت فتوى بأنه حلال! عشان أرضي زوجي بس برضه مش بعجبه وطول النهار بيقول عليَّا وحشة!
- يا بنتي مقدرش مقعدش مع أصحابه أما يزرونا بيزعل مني مقدرش أقوله لا هيبقى نكد!
- ياااه.. نفسي يقولي كلمة حلوة، نفسي يحبني بجد! ده طول النهار بيشتكي وبيعترض وبيهزاني وبيذلني وبيقولي فاشلة!
يا حجة: مرة من نفسكِ كوني مع الله بصدقٍ في ترك المعصية وعمل الطاعة، ولو غضب زوجكِ اصمدي وقولي قولًا حسنًا... وقلبه بيد الرحمن.
مرة من نفسكِ استعيني بالله على قلب زوجكِ وعقله ولسانه في ركعتين.. بدل الغيبة والنميمة والشكوى منه ليل نهار وقعدات الحريم وتخبيب الستات على أزواجهم والتّ والعجن اللي لا بيودي ولا بيجيب..!
مرة من نفسكِ استعيني بالله على مشقة البيت والأولاد والزوج بدل الندب واللطم.
أصلِح ما بينك وبين الله يُصلِح ما بينك وبين الناس.
حتى لو لم يُصلِح ما بينكما ابتلاءً هل تشكري أو ...؟
أجركِ محفوظ... بلاش تضيعي دنيا وآخرة.
- التصنيف: