حكايات الحاجة - هلوسة عقلانية (2)
يا حجة دلوقت أنت شايفة أن التبرج حجاب، وأنا شايفة أن التبرج مش حجاب، لما تنزلي متبرجة أجبرتيني أني أشوفك متبرجة، في حين لما تنزلي مش متبرجة أنت مخسرتيش حاجة، مين اللي أجبر التاني على مذهبه؟!
- شوفي يا بنتي! أنتم بتجبرونا نعمل اللي أنتم شايفينه دين، إحنا شايفين الدين غير اللي أنتم شايفينه.
- ماشي يا حجة دلوقت أنت شايفة أن التبرج حجاب، وأنا شايفة أن التبرج مش حجاب، لما تنزلي متبرجة أجبرتيني أني أشوفك متبرجة، في حين لما تنزلي مش متبرجة أنت مخسرتيش حاجة، مين اللي أجبر التاني على مذهبه؟! وياريته صح!
- متشددين!
- طيب بلاش التبرج أنت شايفة الموسيقى حلال، وأنا شايفاها حرام، لا تقنعيني ولا أقنعك لكن لما أكون موجودة معاك في مكان شغلي أغاني بدون موسيقى.
- لا أنت متجبرينيش.
- محدش جبرك، شغلي اللي أنت شايفاها صح وأنا مش موجودة، متجبرينيش أنت وأنا موجودة أسمع اللي أنا شايفاه غلط
- لا أنت اللي تمشي
- يبقى مين بيجبر التاني؟!
- متخلفين!
صدق من قال: "غلبت الفقيه وغلبني السفيه".
لأن الفقيه يفهم والسفيه يشتم.
- التصنيف: