شخصية الصحابة
من أكتر الحاجات اللي صنعت شخصية الصحابة هي الاستيعاب الكامل لحقارة الدنيا وعظمة الآخرة وأهوال الموت والقبر والحساب
استوعبوا ده واستحضروه بشكل دائم وعشان كده هانت عليهم الدنيا بكل زخارفها وهانت عليهم أنفسهم وأموالهم وضربوا أروع وأعجب الأمثلة
تقريبا وصلوا لأقرب نقطة من مرحلة عين اليقين
إنك تعيش الأهوال اللي بانتظارك وتستوعبها وتستوعب جسامتها
إنك تبقى شايف الدنيا على حقيقتها وحقارتها وشايف الآخرة بأهوالها وصعوبتها
المعضلة بالنسبة لي إن اللي بيوصل لمرحلة عين اليقين دي المفروض ييجي له اكتئاب بجد
كفاية بس إنه يستوعب بشكل كامل معنى إن الموت بيأتي فجأة ويستحضر المعنى ده دايما
إنه كل ليلة وهو بيحط دماغه ع المخدة يبقى مش متوقع إنه يستيقظ مرة أخرى
كفاية إنه يستحضر جسامة سكرات الموت وضمة القبر وسؤال الملكين
.
إزاي الصحابة وصلوا للنقطة دي من المعاينة والمعايشة وديمومة الاستحضار ومع ذلك ما كانش عندهم اكتئاب ولا تعاسة ولا انعزال عن مباهج الحياة
أظن النقطة دي تضاف لمآثر هذا الجيل الفريد
- التصنيف: