يا شباب
الكورة لعبة بترفه بيها عن نفسك مفيش مشكلة، ولكن اوعى تحول الكورة لمخدر بيخدرك عن إحساسك بالواقع إللى إنت عايش فيه
بسم الله الرحمن الرحيم نبدأ
أنا مبقولكش ما تلعبش كورة
أنا مبقولكش ما تتفرجش علي مباراة
أنا مبقولكش ما تفرحش لما يجى جون
ولكن بقولك
لما تبقي شاب حياتك مليانة مشاكل
مش عارف هتتجوز إمتى ولا فين ولا هتشتغل إيه ؟
، وتقعد تتفرج على مباراة، وبعد الفوز، وبعد متابعة التحليل عشرات الساعات، وبعد متابعة التصريحات سواء من المدربين أو اللاعبين على مواقع التواصل أسبوع، وبعد مشاهدة الأهداف ..وهى تعادل مئات المرات مع إختلاف أصوات المذيعين
؛ تفوق بعد كل دا، تلاقى نفسك لسه مكانك لا تعرف إمتى وفين ولامين هتجوز ؟؟
يا شباب إحنا إتعلمنا إن الزنا والسرقة حرام !
لكن متعلمناش إن الهروب حرام
متعلمناش أن عدم الإحساس بالمسئولية بالقضية والهدف حرام
عشان كدا الكورة لعبة بترفه بيها عن نفسك مفيش مشكلة، ولكن اوعى تحول الكورة لمخدر بيخدرك عن إحساسك بالواقع إللى إنت عايش فيه.
- التصنيف:
- المصدر: