رسالة عتاب للأحباب معاد فيني للعتب والمشاريه ولا عاد فيني شدةً للوجيعه الحزن بين في دروبي ...

رسالة عتاب للأحباب

معاد فيني للعتب والمشاريه
ولا عاد فيني شدةً للوجيعه

الحزن بين في دروبي مواريه
غصبً علينا يارفيقي نطيعه

معاد ينفع ليلنا في مساريه
دام الهموم الكايده لي تبيعه

صحيح رفيقي أعزه وشاريه
بس الوكاد اليوم وصله قطيعه

هذي معاناة المتيم وباريه
وهذي نهايات القلوب الشجيعه

وين الكتاب اللي لفى وين قاريه
وين الرجال اللي بروس الطليعه

يامحب أعط القوس ياشيخ باريه
الحزن دائم بالآوادم طبيعه

ساتر جروحه مايشابه لعاريه
ياكم نفساً من وجعها صريعه

الماء ياليته رجع في مجاريه
من شأن ماتروي حلوقً جويعه

الخط قدامي ولا أخشى كباريه
ماهمني برد البلد من صقيعه

الطيب من شرواك يامحب ضاريه
شرواك مايقبل بظلم وهزيعه

لاعاد تسمع في الوشاه المكاريه
ماني براعي مكر ولا خديعه