الناس اللي لسانها حلو أو عايشة تجبر الخواطر دي بالدنيا و اللي فيها و الله !! أنا مريض كلي ، ...
منذ 2018-05-17
الناس اللي لسانها حلو أو عايشة تجبر الخواطر دي بالدنيا و اللي فيها و الله !!
أنا مريض كلي ، فبحتاج أشرب مية كتير و كده ، و ببقي دايما ماشي ب إزازة مية ، فبسمع لطافة كتير من صحابي فالشغل أو غيره ، لطافة من بتاعة بس حلوة الزمزمية دى يا ديفز .. جايب ساندوتشات فى الشنطة بقي ؟ باخدها يهزار مبرضاش أحرج حد ، بس صاحب تاني ليا لما في مرة قابلني بجيب علاج بالصدفة و حكيتله حوار الإزازة ده و العلاج و التحاليل كل شوية ، بقي اليوم اللي ننزل فيه سوا بيجيب إزازة مية معاه في الشنطة اللي علي ضهرنا دي و بيروح بيها زي ما هي أو بشربها أنا فى الأخر و ببقي عارف أوى إنه بيعمل كده عشان يجبر بخاطري مش عشان عطش أو حاجة :")
فالمترو ، زيي زي أى حد ، بقوم لأى ست أو راجل كبير أو بنت واقفة وسط ولاد ، في مرة قمت لست و بتقولي يابني ده فاضلي محطة قلتلها لا اتفضلي و هقعد الجاية فابتسمت و قعدت ، بعدها حصل نفس الموقف مع ولد معايا ، ست كانت واقفة برضه بتقوله يابني نازلة قريب دول 4 5 محطات ، قالها يا أمى ده إحنا نشيلك في عنينا وسع يا عم أنت و هو و هزر و ضحك كده .. والله حسيت الست الكبيرة دي هتدمع من الفرحة بسبب كلام الشاب ده ربنا يحميه يارب و يحفظه .. كلمة بسيطة فرحها و غيرلها اليوم !
في واحد صاحبي و قريب ليا أوووى بس زيي زي أى حد بنشغل في الدنيا فلما أتصل بيه عمره ما يقوللي ايه يا عم لسه فاكر تتصل ! ألاقيه بيقولي واحشني و الله يا حبيبي و عامل ايه و اخواتك و طنط و الاقيه عاملي تاج في بوست بعدها و يكتبلي قد ايه هو مقصر معايا مع إنى أنا اللي دايما ناسيه .. عشان بس ميخلينيش أحس إن أنا مقصر أو يحرجني !
أنا وزني زاد شوية ، كله بيتريق عليا و أنا عادي بتريق برضه و بقلش و بتاع ، في منهم خايف عليا و في اللي بيتريق و خلاص ، واحد في وسط صحابي دول قاللي يا ديفوووو ياسطي ولا يهمك نجبلك فطير مشلتت كمان لو حابب ♥ عايز تخس نظبط و نجري سوا مرتاح كده خلاص ولا يهمك يا سيدي و اتخن براحتك المهم متضايقش بس !
سيدنا النبي كان بيحب يداعب الصحابة أوي و كان في صحابي اسمه زاهر ، كان دميم الوجه و كان بيروح السوق يبيع و يشتري و يتاجر ، فسيدنا النبي مرة جه من وراه كده و غمي عنيه ، و قعد يقول من يشتري هذا العبد من يشتري هذا العبد و سيدنا زاهر مش عارف يبعد خالص لحد ما مسك ايد سيدنا النبي عشان يبعدها فعرف انه سيدنا النبي ( كان سيدنا انس بيقولي ما مسست ديباجاً ولا حريراً ألين من كف رسول الله صلى الله عليه وسلم ) فلما عرف انه سيدنا النبي ابتسم بس و هو مكسور كده ، فسيدنا النبي سأله ولم هذا ، يعني ليه زعلان كده ، ف قال تجدني كاسدا يا رسول الله ، يعني لو عبد محدش هشتريني بسبب شكلي ، فسيدنا النبي لما سمعه بيقول إذا تجدني كاسدا يا رسول الله قاله و لكنك عند الله غال :")
مش هيحصل حاجة و الله يا جماعة لوعدينا لناس شوية مواقف ، لو التمسنا العذر ، لو قلنا كلام حلو لبعض ، لو حد عيان مش لازم ايه ده أنت العيا غيرك و شكلك وحش ! لو بيبي لسه مولودة بلاش السخافة بتاعة ايه الوحاشة دى ! لو حد وزنه زاد شوية بلاش يا تخين أو ياللي بقيتي شبه ال مش عارف ايه حتي لو بهزار عشان بتضايق ، لو حد ساكن في مكان متواضع بلاش تتريق عليه كفاية اللي هو فيه و الله ادعيله بالرزق أفضل
اجبروا بخاطر الناس ياخونا .. الناس بقت بتتمني كلمة واحدة كويسة في الدنيا دى
#فلتقل_خيرا_أو_لتصمت
#نصيحة
#وذكر
#لعلها_المنجية
أنا مريض كلي ، فبحتاج أشرب مية كتير و كده ، و ببقي دايما ماشي ب إزازة مية ، فبسمع لطافة كتير من صحابي فالشغل أو غيره ، لطافة من بتاعة بس حلوة الزمزمية دى يا ديفز .. جايب ساندوتشات فى الشنطة بقي ؟ باخدها يهزار مبرضاش أحرج حد ، بس صاحب تاني ليا لما في مرة قابلني بجيب علاج بالصدفة و حكيتله حوار الإزازة ده و العلاج و التحاليل كل شوية ، بقي اليوم اللي ننزل فيه سوا بيجيب إزازة مية معاه في الشنطة اللي علي ضهرنا دي و بيروح بيها زي ما هي أو بشربها أنا فى الأخر و ببقي عارف أوى إنه بيعمل كده عشان يجبر بخاطري مش عشان عطش أو حاجة :")
فالمترو ، زيي زي أى حد ، بقوم لأى ست أو راجل كبير أو بنت واقفة وسط ولاد ، في مرة قمت لست و بتقولي يابني ده فاضلي محطة قلتلها لا اتفضلي و هقعد الجاية فابتسمت و قعدت ، بعدها حصل نفس الموقف مع ولد معايا ، ست كانت واقفة برضه بتقوله يابني نازلة قريب دول 4 5 محطات ، قالها يا أمى ده إحنا نشيلك في عنينا وسع يا عم أنت و هو و هزر و ضحك كده .. والله حسيت الست الكبيرة دي هتدمع من الفرحة بسبب كلام الشاب ده ربنا يحميه يارب و يحفظه .. كلمة بسيطة فرحها و غيرلها اليوم !
في واحد صاحبي و قريب ليا أوووى بس زيي زي أى حد بنشغل في الدنيا فلما أتصل بيه عمره ما يقوللي ايه يا عم لسه فاكر تتصل ! ألاقيه بيقولي واحشني و الله يا حبيبي و عامل ايه و اخواتك و طنط و الاقيه عاملي تاج في بوست بعدها و يكتبلي قد ايه هو مقصر معايا مع إنى أنا اللي دايما ناسيه .. عشان بس ميخلينيش أحس إن أنا مقصر أو يحرجني !
أنا وزني زاد شوية ، كله بيتريق عليا و أنا عادي بتريق برضه و بقلش و بتاع ، في منهم خايف عليا و في اللي بيتريق و خلاص ، واحد في وسط صحابي دول قاللي يا ديفوووو ياسطي ولا يهمك نجبلك فطير مشلتت كمان لو حابب ♥ عايز تخس نظبط و نجري سوا مرتاح كده خلاص ولا يهمك يا سيدي و اتخن براحتك المهم متضايقش بس !
سيدنا النبي كان بيحب يداعب الصحابة أوي و كان في صحابي اسمه زاهر ، كان دميم الوجه و كان بيروح السوق يبيع و يشتري و يتاجر ، فسيدنا النبي مرة جه من وراه كده و غمي عنيه ، و قعد يقول من يشتري هذا العبد من يشتري هذا العبد و سيدنا زاهر مش عارف يبعد خالص لحد ما مسك ايد سيدنا النبي عشان يبعدها فعرف انه سيدنا النبي ( كان سيدنا انس بيقولي ما مسست ديباجاً ولا حريراً ألين من كف رسول الله صلى الله عليه وسلم ) فلما عرف انه سيدنا النبي ابتسم بس و هو مكسور كده ، فسيدنا النبي سأله ولم هذا ، يعني ليه زعلان كده ، ف قال تجدني كاسدا يا رسول الله ، يعني لو عبد محدش هشتريني بسبب شكلي ، فسيدنا النبي لما سمعه بيقول إذا تجدني كاسدا يا رسول الله قاله و لكنك عند الله غال :")
مش هيحصل حاجة و الله يا جماعة لوعدينا لناس شوية مواقف ، لو التمسنا العذر ، لو قلنا كلام حلو لبعض ، لو حد عيان مش لازم ايه ده أنت العيا غيرك و شكلك وحش ! لو بيبي لسه مولودة بلاش السخافة بتاعة ايه الوحاشة دى ! لو حد وزنه زاد شوية بلاش يا تخين أو ياللي بقيتي شبه ال مش عارف ايه حتي لو بهزار عشان بتضايق ، لو حد ساكن في مكان متواضع بلاش تتريق عليه كفاية اللي هو فيه و الله ادعيله بالرزق أفضل
اجبروا بخاطر الناس ياخونا .. الناس بقت بتتمني كلمة واحدة كويسة في الدنيا دى
#فلتقل_خيرا_أو_لتصمت
#نصيحة
#وذكر
#لعلها_المنجية
