الحقيقه اللي لازم تعرفها يا اخي
ودي كلمة حق
إننا لله، واتخلقنا لله، ومفيش وجودنا هنا صدفة ولا علشان نطارد أوهام “عالم تاني” و“طاقة” و“علوم بلا روح”.
ربنا قالها صريحة، من غير لف ولا دوران:
﴿وما خلقتُ
الجنَّ والإنسَ إلا ليعبدون﴾.
الدنيا دي ممر مش مقر، اختبار مش نزهة، واللي فاكر إن العلم لوحده أو الأحلام الفارغة هتوصله للحقيقة يبقى ناسي الأساس.
العلم من غير إيمان أعمى، والطموح من غير عبادة غرور، والحياة من غير ربها ضياع.
اتوجدنا علشان نعرف ربنا، نعبده، ونعمر الأرض بالحق، مش علشان نضيع أعمارنا في كلام فاضي.
واللي فاهم ده… عمره ما يتيه، حتى لو الدنيا كلها تايهة
الخلاصة فعلًا إننا عايشين وسط فتن كبيرة، والضغوط في كل اتجاه، وده مش صدفة… ده الامتحان.
كل ما الدنيا تشدّك وتغريك وتاخدك بعيد، افتكر السؤال البسيط اللي بيظبط البوصلة:
إحنا جايين ليه؟
جايين نعبد ربنا، ونثبت، ونختار الصح وسط الزحمة، مش نمشي ورا التيار وخلاص.
والإنسان يوم ما يصحى متأخر ويشوف الحقيقة بعينه، يقول من قلبه:
﴿يا ليتني قدمتُ لحياتي﴾
حياة بجد… مش السنين اللي عدّت، لكن اللي اتعاشت بطاعة ومعنى.
ربنا يثبتنا، وما يجعلناش من اللي يفوقوا بعد فوات الأوان.
اللي فاهم الامتحان، حتى لو وقع، بيرجع… ودي رحمة ربنا
نسأل الله الهدايه وحسن الخاتمه
#محمد_البيلي ...المزيد
