الأنفاق في سبيل الله
مفيش شىء من أشياء الدنيا بقى له قيمة، العملة اتغيرت مبقتش بيوت وفلوس وأراضي وأملاك !! العملة بقت حسنات...
آيات تقلب كيان أي حد
هي الآيات اللي بتدعو للإنفاق
تعرفوا إن آية الكرسي داخلة في آيات الإنفاق !!
وآية سيدنا إبراهيم مع النمرود داخلة في آيات الإنفاق !!
{يَا أَيُّهَا الَّذِينَ آمَنُوا أَنفِقُوا مِمَّا رَزَقْنَاكُم مِّن قَبْلِ أَن يَأْتِيَ يَوْمٌ لَّا بَيْعٌ فِيهِ وَلَا خُلَّةٌ وَلَا شَفَاعَةٌ ۗ وَالْكَافِرُونَ هُمُ الظَّالِمُون}
الآيات دي بتقولك قبل صدمة الآخرة اِلحق اصرف عشان آخرتك
مفيش شىء من أشياء الدنيا بقى له قيمة، العملة اتغيرت مبقتش بيوت وفلوس وأراضي وأملاك !! العملة بقت حسنات،
الكون كله مرعوب من يوم القيامة ..
والملائكة كلها بتصعق عندما يتكلم الله من فوق سبع سماوات خشية أن يأذن الله بيوم القيامة
الوحيد اللي مش خايف من يوم القيامة هو اللي يوم القيامة معمول علشانه
{أَنفِقُوا مِمَّا رَزَقْنَاكُم}...
طلع من اللي ربنا اداهولك !!
{من قَبْلِ أَن يَأْتِيَ يَوْمٌ} ...
أنت مش عارف هتلحق ولا مش هتلحق
3 صدمات:
{لَّا بَيْعٌ فِيهِ} ...
كل اللي معاك قيمته صفر
{وَلَا خُلَّةٌ}...
محدش هيفتكرك وقتها لحد ما يطمن على مصيره
{وَلَا شَفَاعَةٌ }...
مش هتلاقي صدقة تشفعلك عند الله
مش هتلاقي حد يسندك ولا يحاج عنك ..
هتبقى لوحدك وتر
طب ليه متبقاش وتر في الدين؟
متميز ومتفرد وصادق ومنطلق وسط أهل الدين؟!!
ثم تأتي آية الكرسي وفيها الدوافع بتاعة الإنفاق
أنت بتنفق علشان مالك الملك الحي القيوم
{مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّائَةُ حَبَّةٍ ۗ وَاللَّهُ يُضَاعِفُ لِمَن يَشَاءُ ۗ وَاللَّهُ وَاسِعٌ عَلِيمٌ (261)}
المرائي بينفق لغير الله فقلبه عامل زي الصخرة الصماء، الطاعة بتزيد قلبه فساد
الثاني بقى ثابت ونفسيته ثابتة و هو بيطلع الصدقة فرحان بها موقن بالعاقبة كل ما المخلص بيطيع كل ما قلبه بيزدهر وبيبقى جنة وربنا بيغمره بخيره في الدنيا
طب لو هو مخلص بس قلبه مش قوي ومشاعره الإيمانية أثناء الصدقة مكنتش عالي يبقى 👈 {فَطّل}... يعني شوية ندى نزلوا على الجنة ازدهرت لأنه قلبه جنة
اِلحق أنفق لله قبل ما النعمة تزول والأحوال تتبدل
- التصنيف:
- المصدر: