العمل اللي تكتب لك به حسنات متواصلة

يا تري إيه العمل اللي تُكتب لك به حسنات متواصلة

إنت وبتعصي ربنا  أو نايم أي وضع إنت فيه

حتي لو إنتكست

⁉️إيه العمل دا

الدعوه إلي الله

⁉️إيه أعظم عند الله ممن لم يدافعوا عن اللي اترموا من القطر

السلبيةأمام المعصية إن إحنا نشوف ربنا بيُعصي ونسكت

ثمار الدعوة إلي الله

ناس بتحفظ قرآن بسببك

واحدة تلتزم وتتوب وتتحجب بسببك

واحد يصوم ١٣ و١٤ و١٥ بسبب رسالة تذكير منك

واحدة تصلي وتتوب لربنا بسببك

واحد يسيب علاقة محرمة بسببك كل دا في ميزانك عند ربنا

الواحد ممكن ينتكس وملك السيئات بيكتب سيئات وملك الحسنات بيكتب شلال الحسنات بسبب الدعوة إلى الله

{قُمْ فَأَنذِرْ} }نازلة قبل {قُمِ اللَّيْلَ} 

ربنا كلم النبي عليه الصلاة والسلام عن الدعوة قبل قيام الليل

الدعوة هي البدايةبداية سيدنا أبو بكر وعمر

وهي النهاية بعد ماربنا سبحانه وتعالي قال للنبي عليه الصلاة والسلام في آخر القرآن

{وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا}

خلاص الأمة كلها والجزيرة العربية أسلمت بسبب الدعوة

⬅ربنا ختم القرآن

{قُلْ هُوَ اللَّهُ أَحَد}
{قُلْ أَعُوذُ بِرَبِّ الْفَلَقِ}
{قُلْ أَعُوذُ بِرَبِّ النَّاسِ} 

قل قل قل ...دعوة دعوة دعوة

يعني كإن مهما الدين إنتشر إستمروا في الدعوة إلي الله

الدعوة هي علاج النفسية

 الإنسان ممكن يحتاج لتغيير دم أهو الدعوة بتعملك تغيير هم

{وَادْعُ إِلَىٰ رَبِّكَ ۖ وَلَا تَكُونَنَّ مِنَ الْمُشْرِكِينَ} 

هو في حد بيتكسف يشجع فريقه لأنه منتمي إليه

طب إحنا لو بنحب الإسلام ومنتميين إليه مش هنتكسف نشجع الدين

متقولش انا مشغول ومش فاضي ومش مسؤل

متقولش أنا مالي أنا مش شيخ أزهر و مش جرئ ومش فصيح ومعنديش علم

قلبي تعبان ومش لاقي قلبي أدعوا إزاي؟

أنا ماليش دعوة بالدعوة

مفيش حد مالهوش دعوة بالدعوة

كل واحد مسؤل أمام الله سبحانه وتعالي الكل مسؤل

{قُلْ هَٰذِهِ سَبِيلِي أَدْعُو إِلَى اللَّهِ ۚ عَلَىٰ بَصِيرَةٍ أَنَا وَمَنِ اتَّبَعَنِي} 

طب أعمل إيه

بابين من أبواب الدعوة مفتوحين للجميع

الباب الأول باب التشجيع

مش بقولك إطلع علي منبر وأخطب جمعة لا بس شجع الناس

أكتب علي المحل بتاعك وإنت ماشي مغلق للصلاة ساعة الصلاة

 لما تلاقي أطفال بيحفظوا قرآن شجعهم هاتلهم حاجه حلوة. .

وإنت رايح درس ديني خد حد معاك

شير مقاطع دينية شير بوستات دينية

90%من العصاة إللي في المجتمع مش بسبب نقص التذكير ولكن بسبب نقص التشجيع

ذكر بالصلاة في المحاضرة و في وسط الدرس عرف الناس كلهم إن دا وقت صلاة

الباب الثاني التذكير

90%من إللي بيصوموا١٣ و١٤ و١٥ بسبب رسايل التذكير علي السوشيال ميديا وعلي أبواب المساجد

ذكر الناس بالخير وبمواعيد الدروس

التذكير والتشجيع أبواب جبارة في الدعوة إلي الله..

عايزين يبقي عندنا إنتماء للدين

آه لو نشجع الدعوة والإسلام زي ما جماهير الكرة كان الوضع حيختلف

في أي مكان في أي ظرف الدعوة إلي الله يعني حاجه بسيطة بس انت جاهد واتعب