#الحب الحلال فى الإسلام

الحمد لله والصلاه والسلام على رسول الله حبيباتى اما بعد فان الحب هو الميل الى شيء انواع منه ما هو مشروع ومنه ما هو مذموم ومن هو الجبلي الفطري من الاختبار المكسب فمحبه الله ورسوله فرض على كل مسلم ومسلمه بل تلك المحبه شرط من شروط الايمان قال تعالى (ومن الناس من يتخذ من دون الله اندادا يحبونهم كحب الله والذين امنوا اشد حبا لله) صدق الله العظيم
و قال صلى الله عليه وسلم (( لا يؤمن احدكم حتى اكون احب اليه من والده وولده والناس أجمعين))
و هذه المحبه تستلزم طاعه المحبوب اذ من احب احدا سارع في ارضائه ومن زعم انه يحب الله ورسوله ثم اخلف امرهما او اتبع سبيلا لم يرعاه فقد اقامه البرهان على بطلان دعواه
هناك انواع الحب ايضا كحب المؤمنين و العلماء والصالحين و محبه الزوجه للاولاد و محبه الوالدين وسائر القرابات وهناك ايضا حب الفتيان والفتيات وهذا هو موضوعنا اليوم هو من اشد الموضوعات خطرا هناك فتيلة صغيره جدا في هذا الموضوع لو اجتازت لانقطع الحبل وانقطع معه رضا الله فهذا الحب قسمان الاول:_
رجل قُذف في قلبه حب إمرأه فاتقى الله تعالى بأن غض طرفيه حتى اذا وجد السبيل الى الزواج منها فتزوجها والا فانه يصرف قلبه عنها حتى لا ينشغل بما لا فائده من وراءه فيضيع حدود الله وواجباته
والنوع الثاني :_ من تمكن حب من قلبه مع عدم قدرته على عقاق نفسه حتى انقلب هذا الى عشق و غالب ذلك عشق صور ومحاسن وهذا اللون من الحب محرم وعواقبه وخيمه والعشق مرض من امراض القلب مخالف لسائر الامراض في ذاته واسبابه وعلاجه واذا امكن واستحكم عجز الاطباء عن علاجه واعُيى العليل دوائه ولقد بين الشارع الحكيم علاج الحب بصورة عمليه وحدد مصارف الشهوه التي تذكر جذوته وحدد ميعار الاختبار وان الرجل عليه ان يظفر بذات الدين وهذا هو المقياس الذي يختار به شريكه حياته قال صلى الله عليه وسلم(( تُنكح المرأه لاربع لمالها ولجمالها ولحسبها ولدينها فاظفر بذات الدين تربت يداك)) متفق عليه
و هذا الموضوع يا حبيباتى موضوع هام واعلم ان الحب ليس بإرادتنا و يأتي فجاه من حيث لا نعلم ولكن عندما ياتي يجب علينا ان نصبر وندعو الله ان يجمعنا في الحلال و على خير ان شاء الله ...المزيد

#علاج غض البصر

احبائى احب اعرفوكوا حاجه بسيطة عن موضوع غض البصر

الحمد لله والصلاة والسلام على أشرف الخلق والمرسلين سيدنا ونبينا محمد صلى الله عليه وسلم اما بعد فموضوع انهارده يا شباب عن قاعدة هامه فى حياتنا لو تخلينا عنها لانحدرت حياتنا إلى الاسفل تلك التى أصبحت منتشرة اليوم بشكل فادح ويواجه الكثير من الشباب تحديات كثيرة بسبب تلك المشكلة الا وهى غض البصر من أكثر الفتن المحيطة بنا وازاى الشاب يعصم نفسه من كل تلك الفتن التى أصبحت موجودة بجواره فى كل مكان فى الشارع،، فى التليفزيون،،،، حتى فى الأماكن العامة فى كل شي
ماذا على الشاب ان يفعل كى يتجنب كل تلك الفتن؟؟ المحيطة به فى اى مكان يذهب اليه .. انا عارفة يا شباب ان الموضوع صعب جداا وبالذات فى الاول بس اما تعرفوا اد ايه ثواب إلى يعصم نفسه من الفتن دى مش هتصدقوا رحمه ربنا علينا اد ايه،،، فى حديث عن الرسول صلى الله عليه وسلم بيقول ان هناك سبعة يظلهم الله بظله يوم لا ظل إلا ظله ومن ضمن السبعة دول " شاب نشأ على طاعة الله"
تأملوا الحديث دا كده معايا يا شباب اشمعنى ربنا قال شاب نشأ على طاعة الله ليه مقلش راجل او حتى عجوز بحكم سنهم الكبير
لأ دا قال شاب وربنا طبعا يقصد بكل كلمة هدف معين
هقولكوا اشمعنى شاب؟؟؟؟
علشان خاطر للمرحلة دى هى أصعب مرحلة فى حياة الإنسان كلها وبيواجه فيها الشاب متاعب كتييير والمؤمن التقى هو الى يقدر يحمى نفسه من كل تلك الفتن
هتقولولى ازاى؟؟!!!
يقاطعنى شاب ويقول فعلا كنت لسه هسأل حضرتك نفس السؤال
ويقول
....... : انا مقدرش اغض بصرى فى الشارع وكل اما أحاول مقدرش ولو بصيت زى ما حضرتك بتقول انى لازم انظر لارض وانا ماشى علشان مبصش امرأة فى الطريق بس بلاقى الموضوع صعب اوووى عليا وكل اما احاول مقدرش
رديت : بص يا حبيبى هقولك على حاجه وقولى ايه رايك بصراحه
الشاب : اكيييد اتفضل
رديت وقلت : لو قلتلك دلوقتى خد كوباية اللبن دى وامشى بيها فى وسط الطريق وخليك باصص عليه واوعى تلتفت لا يمين ولا شمال بشرط انى هكون باعت حد وراك يراقبك علشان متكذبش عليا ولو عملت كده فعلا ساعتها هتكون ليك جائزة حلوة اوووى بشرط أن مفيش اى حاجه تقع من الكوب خالص هيكون ردك ايه
الشاب (بضحك) : هوافق طبعا علشان عايز اخد الجايزة
قلت : تمام اوووى طب قلى كده بخيالك هتكون ماشى ازاى وانت ماسك الكوباية
رد الشاب : طبعا هخلى بالى منها علشان مفيش حاجه تقع ومش هبص لا يمين ولا شمال
قلت : حلو اووووى،، طب تخيل معايا كده وانت ماشى فى السوق قلى كده شفت كام بنت فى الطريق
رد الشاب : معرفش مانا هكون باصص على الكوباية علشان مفيش حاجه تقع
قلت : بالظبط كده هو ده إلى ربنا أمرنا بيه* وطبعا لله المثل الأعلى * انك تغض بصرك فإنك تنظر لارض اه طبعا مش هتوطى راسك اووى علشان متقعش والناس تضحك عليك،، هتخلى راسك مرفوعة شوية ولو غصبن عنك نظرت لفتاة ارجع راسك فورا للارض واستغفر الله
الرسول صلى الله عليه وسلم قال :" النظرة الأولى لك والثانية عليك "
بمعنى انك لو نظرت لفتاه من غير قصد بسبب الطريق زحمة مثلا مش هتكتب ذنب بإذن الله ولكن لو نظرت بقصد هتكتب ذنب وربنا هيحاسب على كده،،،، فهمتوا يا شباب قصدى ايه،،، انا اقصد ان زى ما ربنا أوجد المشكلة أوجد كمان ليها الحل اينعم هيكون صعب بس مع الوقت هتتعود وهتفرح اووى وحياتك هتبقى جميلة جدا طول ما هى فى طاعة الله دا كفاية انك بعدم نظرتك للحرام دى انت هتكون مرتاح نفسيا وصدقونى والله ولما تنفذوا كده هتعرفوا فعلا رحمه ربنا علينا واد ايه هو بيحبنا وبيأمرنا اننا نعمل الحاجه التى هتكون فيها سعادة وراحه لينا وطبعا كل ده علشان الجنة احنا لازم نتعب شوية علشان نرتاح فى الجنه،،، الجنة غالية حبايبى ولازم نعمل بأقصى ما فينا علشان ننال مرضاة الله
ويارب اكون قدرت افيدكم بمعلوماتي البسيطة
وان شاء الله نستفيد وربنا يقوينا ويثبتنا على طاعته يارب ولو حد غلط عادى ربنا غفور رحيم اهم حاجه يقوم يقف تانى ويقاوم نفسه والشيطان ويستغفر ربنا ويرجع تانى للطريق الصحيح والله الموفق والمستعان....... ...المزيد