الناس اللي لسانها حلو أو عايشة تجبر الخواطر دي بالدنيا و اللي فيها و الله !!

أنا مريض كلي ، فبحتاج أشرب مية كتير و كده ، و ببقي دايما ماشي ب إزازة مية ، فبسمع لطافة كتير من صحابي فالشغل أو غيره ، لطافة من بتاعة بس حلوة الزمزمية دى يا ديفز .. جايب ساندوتشات فى الشنطة بقي ؟ باخدها يهزار مبرضاش أحرج حد ، بس صاحب تاني ليا لما في مرة قابلني بجيب علاج بالصدفة و حكيتله حوار الإزازة ده و العلاج و التحاليل كل شوية ، بقي اليوم اللي ننزل فيه سوا بيجيب إزازة مية معاه في الشنطة اللي علي ضهرنا دي و بيروح بيها زي ما هي أو بشربها أنا فى الأخر و ببقي عارف أوى إنه بيعمل كده عشان يجبر بخاطري مش عشان عطش أو حاجة :")

فالمترو ، زيي زي أى حد ، بقوم لأى ست أو راجل كبير أو بنت واقفة وسط ولاد ، في مرة قمت لست و بتقولي يابني ده فاضلي محطة قلتلها لا اتفضلي و هقعد الجاية فابتسمت و قعدت ، بعدها حصل نفس الموقف مع ولد معايا ، ست كانت واقفة برضه بتقوله يابني نازلة قريب دول 4 5 محطات ، قالها يا أمى ده إحنا نشيلك في عنينا وسع يا عم أنت و هو و هزر و ضحك كده .. والله حسيت الست الكبيرة دي هتدمع من الفرحة بسبب كلام الشاب ده ربنا يحميه يارب و يحفظه .. كلمة بسيطة فرحها و غيرلها اليوم !

في واحد صاحبي و قريب ليا أوووى بس زيي زي أى حد بنشغل في الدنيا فلما أتصل بيه عمره ما يقوللي ايه يا عم لسه فاكر تتصل ! ألاقيه بيقولي واحشني و الله يا حبيبي و عامل ايه و اخواتك و طنط و الاقيه عاملي تاج في بوست بعدها و يكتبلي قد ايه هو مقصر معايا مع إنى أنا اللي دايما ناسيه .. عشان بس ميخلينيش أحس إن أنا مقصر أو يحرجني !

أنا وزني زاد شوية ، كله بيتريق عليا و أنا عادي بتريق برضه و بقلش و بتاع ، في منهم خايف عليا و في اللي بيتريق و خلاص ، واحد في وسط صحابي دول قاللي يا ديفوووو ياسطي ولا يهمك نجبلك فطير مشلتت كمان لو حابب ♥ عايز تخس نظبط و نجري سوا مرتاح كده خلاص ولا يهمك يا سيدي و اتخن براحتك المهم متضايقش بس !

سيدنا النبي كان بيحب يداعب الصحابة أوي و كان في صحابي اسمه زاهر ، كان دميم الوجه و كان بيروح السوق يبيع و يشتري و يتاجر ، فسيدنا النبي مرة جه من وراه كده و غمي عنيه ، و قعد يقول من يشتري هذا العبد من يشتري هذا العبد و سيدنا زاهر مش عارف يبعد خالص لحد ما مسك ايد سيدنا النبي عشان يبعدها فعرف انه سيدنا النبي ( كان سيدنا انس بيقولي ما مسست ديباجاً ولا حريراً ألين من كف رسول الله صلى الله عليه وسلم ) فلما عرف انه سيدنا النبي ابتسم بس و هو مكسور كده ، فسيدنا النبي سأله ولم هذا ، يعني ليه زعلان كده ، ف قال تجدني كاسدا يا رسول الله ، يعني لو عبد محدش هشتريني بسبب شكلي ، فسيدنا النبي لما سمعه بيقول إذا تجدني كاسدا يا رسول الله قاله و لكنك عند الله غال :")

مش هيحصل حاجة و الله يا جماعة لوعدينا لناس شوية مواقف ، لو التمسنا العذر ، لو قلنا كلام حلو لبعض ، لو حد عيان مش لازم ايه ده أنت العيا غيرك و شكلك وحش ! لو بيبي لسه مولودة بلاش السخافة بتاعة ايه الوحاشة دى ! لو حد وزنه زاد شوية بلاش يا تخين أو ياللي بقيتي شبه ال مش عارف ايه حتي لو بهزار عشان بتضايق ، لو حد ساكن في مكان متواضع بلاش تتريق عليه كفاية اللي هو فيه و الله ادعيله بالرزق أفضل

اجبروا بخاطر الناس ياخونا .. الناس بقت بتتمني كلمة واحدة كويسة في الدنيا دى

#فلتقل_خيرا_أو_لتصمت
#نصيحة
#وذكر
#لعلها_المنجية ...المزيد

عندما سخر نسوة مصر ، من إمرأة العزيز
دعتهن وأعطت كل واحدة منهن سكينا
وعندما خرج عليهن يوسف عليه السلام
*أصابهن الذهول لدرجة أنهن قطعن أيديهن دون شعور بالألم !*

ألهذا الحد كان يوسف جميلاً !!
لحظة من فضلك استشعرها جيداً

*عيون شاخصة ، يد تجرح ، دم ينزف ، ولا ألم !! لشدة الجمال الذي يرونه أمامهن..*

*إنه أمر مدهش حقا.!!.*
تفسير ماحصل أن أعينهن عندما تلذذت بمنظر جمال يوسف تعطل الإحساس عندهن بكل شيء مؤلم ..
ولا غرابة فيوسف أعطاه الله نصف جمال الكون..

*✋ بقي السؤال الأهم وهو الشاهد !*

كيف ستكون اللذة عند رؤية رب الجمال ومن خلق الجمال كله ؟!
*(وجوه يومئذ ناضرة الى ربها ناظرة)*

☝إن أعظم لذة خلقها الله هي رؤية وجهه الكريم

وبالمقابل .. أعظم عذاب أن تحرم من رؤيته

*أقرأ ( إنهم عن ربهم يومئذ لمحجوبون ) !!!*

*ليس في هذه الدنيا كلها مايستحق أن نخسر أعظم لذة.. رؤية الله*

إن الكلمات لتعتذر عن الوصف . عندما ترى إلهك وخالقك والذي أوجدك من العدم.. إلهك الذي كنت تعبده لسنوات .. تناجيه في جوف الليل.. تخشاه في خلوتك.. تسجد له وتدعوه.. أخيرا ستراه ما أجمل تلك الساعه

أسأل الله أن يجعلني وإياكم ممن يتنعمون برؤية وجهه الكريم بكرة وعشيا في الفردوس الأعلى من الجنة من غير حساب ولاعقاب.
اللهم لاتحرمنا بذنوبنا لذة النظر إليك يا الله

*انشرها لتشتاق النفوس إلى خالقها.* ...المزيد