هل يَجوز أن أسمِّي ابنِي "مالك"؟

هل يشترط لمن أراد الطواف حول الكعبة من غير حج أو عمرة أن يكون الطواف دائما سبعة أشواط وفي نهايتها ركعتان خلف المقام؟
 

هل الحلي من الذهب المعد للبس عليه زكاة؟ وما مقدارها؟

بدأت بعض وسائل الإعلام بعد وفاة البابا تذكر مآثره المزعومة وصفاته وإبرازها للناس، ووصل الأمر ببعضهم بالترحم عليه واعتبار وفاته مصيبة وخسارة للأمة ما حكم الشرع في ذلك؟

سمعت من أحد المشايخ أنه بالنسبة لصيام التطوع إذا نسي الصائم فأكل أو شرب فيجب عليه أن يفطر، ولا يكمل صيامه، وذلك على عكس صيام رمضان؟ أفيدونا عن هذا جزاكم الله خيراً.

السلام عليكم زوجي اكتشفت انه بيتفرج على افلام إباحية ووقتها قالي اني انا السبب وتكلمنا واتفقنا لحد ما وصلت ان قالي انه راضي بشكل كبير عن العلاقة الزوجيه. بعدها كنت بحس انه بيبعد عني و العلاقة بيننا بتكون على فترات بعيدة، هو بيقول إن السبب بيكون ظروف في البيت زي الأولاد أو إرهاق العمل أو وجود والدتي معايا في البيت في بعض الأوقات أو حتى ظروف مادية ضاغطة عليه، بس انا حاسة أن الافلام هي السبب، ورحت قلتلو ان حتى لو متخانقين وحسيت بده انا مش هرفض العلاقة مهما كنت مدايقة يمكن يكون باب للصلح بنا. قالي لا و أن ده شئ مينفعش يحصل و احنا في بيننا خلاف أو خناق وسكتنا ودعيت ربنا بالصلاح. دلوقتي اكتشفت ان بعد كل ده ورغم اننا متصالحين ومفيش اي موانع بنا انه بيتفرج وربي بعتلي احلام وسبحان الله كنت بحس من نفسي واكدب احساسي لحد ما شوفت بنفسي لما واجهته قالي مفيش اي سبب منك انتي هو فراغ و وسوسة شيطان وانه متفكريش دي اخر مرة اه نويت التوبة بس محدش يقدر يضمن عدم الرجوع للذنب، و لكن نية التوبة موجودة. وحصل بنا شد كبير ومد ايده عليا بعد ما اتنرفزت و شتمته و بدأت بمد إيدي عليه. مش هنكر اني غلط كتير في رد فعلي بس انا صدمتي وجرحي كبير اكتر من الوصف.. انا انصدمت لدرجة اني كنت بلوم نفسي وبجلدها وانا مليش ذنب وكنت بفكر اني اموت نفسي في لحظة من كتر احساسي بالضغط دلوقتي هو حاول يراضيني و اعتذرلي كتير و وعدني بتصليح الأوضاع بيننا وبيقول اني انا ظلماه يعلم ربنا اني حاولت بجد اني أقرب منه وفعلا عملت كدا وحاولت مع نفسي وجاهدتها بس مجرد ما يقعد مع نفسه او يختفي عني بحس بقلق وبحس اني مش مستحملة والشكوك كلها بتجيني. يا شيخ انا مش حاسة باي امان والشكوك والقلق بجد هيموتوني.. وبحلم طول الوقت بكوابيس لو نمت طلبت منه طلب عشان ارتاح واحس شوية بالأمان انه اولا :يحلف بالطلاق مني لو اتفرج تاني اكون طالق ومتحرمة عليه وانا في المقابل لو كنت بموت عمري ما هرفض علاقة بينا وهكون اكتر من الي بيتمناه واجاهد نفسي في اي خلاف بينا وهكون تحت رجليه. ثانيا : ميقفلش تليفونه ويقعد يتكلم مع البنات بدون ما اكون على علم ،هو والله اعلم مش بيكلم البنات بنيه سيئة بس بيكون في كلام و معارف و زمايل في الشغل وسؤال عليهم بشكل هو بيقول أنه مقبول و أنا مش مستحملة ده. هل في حرمانية من طلبي لو ده الي هي خليني احس شوية بأمان وارتاح واقدر اكمل حياتي معاه كزوجة. انا مش نيتي التجسس او التتبع. نيتي الصلاح ذات بيننا ورضا ربنا اولا عن حياتنا واني اساعده واجاهده في ده واعفه مع العلم أنه رافض ده و بيقول إن أساس الحياة هو الثقة وليس المراقبة. وانا مش نيتي مراقبه بل ظبط لحياتنا لاني مش حاسة بأمان او ثقة فيه ابدا اولا؛ لو بالاتفاق على طلبي هل يجوز شرعا ثانيا؛ الأفلام الإباحية مش دي زنا جوارح ممكن شرح مفصل لمدى حرمانيتها وتأثيرها على الزوجين في الدنيا والدين ثالثا؛ ممكن تنصحني انا وزوجي بعد الصدمة دي ممكن نعمل ايه عشان ننسى ونتعامل